22 tylli ki kool ha ka chi sngi ka Independence Cup

by Wyrta Staff

Reading Time: 1 min read

Jowai : Kamwa pynman man ka sngi Chohthat yong ka Independence Cup U-16 ha uni u snem ynnin leh da pynman ya ki soo tylli ki yalehke.

Ha ka yalehke wa nyngkong kawa chongchit bha ka Khimusniang da pynrem ko ya ka Chutwakhu da 4-3.

Ha ka yalehke wa ar ka 7 Wasa da pynrem ko ya ka Luti Tuber Ialong 5-0.

Ha ka yalehke wa le ka Panaliar pynrem ko ya ka Caroline 1-0.

Katwa ha ka yalehke wa khaddooh won ka Dulong da jop suk ko ya ka Khliehmoochut, Shanpung da 9-0.