Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA da pteiñ biang ya ka ynne ka sngi da ki le tylli ki yalehke.
Ha ka yalehke wa nyngkong, ka Pasyih Cultural & Sports Club da jop ko ya ka Khliehshnong Ialong da 11-1.
Ya ka Pasyih Cultural & Sports Club da thap kool da u Pynsakhiat Siangshai haka minit wa 3 wa 65, u Phem Dkhar haka minit wa 8, u Hammyllien Dkhar haka minit wa 11, u Shaniah Dkhar haka minit wa 18, u Budhokmiki Rymbai haka minit wa 43, u Shiningstar Rymbai haka minit wa 41, u Damewan Bang haka minit wa 50 wa 78, u Samuel Siangshai haka minit wa 63 wa u Deiwi Rymbai haka minit wa 77. Katwa ya ka Khliehshnong Ialong da thap da u Chemiki Pale haka minit wa 23.
Ha ka yalehke wa ar, ka Mookyrdup da jop ko ya ka Tympang da 6-0 da ki kool wa thap da u Nickyboy Swer haka minit wa 9, 23, 27 wa 76, u Famous Plain haka minit wa 52 wa u Felix Dkhar haka 52 minit hi.
Ha ka yalehke wa khaddooh da kut ko da 2-2 hapyrdi ka Moodymmai waka Nangbah Khloopano. Ya ka Nangbah Khloopano da thap kool da u Amos Dhar haka minit wa 26 wa u Ban Lamare haka minit wa 26. Ya ka Moodymmai da thap da u Benison Rymbai haka minit wa 33 wa u Teibok Pakma haka minit wa 66.
Ka yalehke daw pteiñ biang ko ha ka 2 tarik u Naisan hapyrdi ka Royal Pole Mihmyntdu waka Nangbah Mooknor heipor 3:00 waje i sngi kawa man leh ka yalehke wa khaddooh chwa wow sdang ki yalehke Pre Quarter Final.
