Shillong: Ynne ka sngi hadooh 226 ngut ki bru na ri-loom Khasi wa Jaiñtia Hills da mih ki chaphrang wow soi ya ka chithi wow pyndam noh yei pyrtuid yong kiwa da dep leh Aadhaar (Opt Out Campaign) wei kamjooh hi da em ki bru kiwa chim ya ka Draft Letter wow li e cha kiwa hayung yong ki, katwa ka Meghalaya People’s Committee on Aadhaar (MPCA) daw phah ko ya kini ki chithi cha u Chairman ka UIDAI.
Kiwa dang kwah wow pyndam pyrtuid, ka MPCA daw booh ko ya ka thaw wa ye ki bru wow wan hadooh ka 03 Khonchonglad (November), 2017 ha yung kerhkaam ka KSU Central Body, Jaiaw, Shillong nadooh i por 11:00 waje i sngi hadooh 3:00 waje nohchariñ ka sngi.
Hei yatoh wei wow pyndam pyrtuid na u Aadhaar, kiwa na South West Khasi Hills, ye ki u wan mih cha ka yung krehkaam ka KSU, South West Khasi Hills kawa em ha Mawkyrwat ha kawon kawon ka sngi nadooh ka 31 Naichiphaw (October) hadooh 3 Khonchonglad, 2017.
Kiwa na West Khasi Hills ki wym ye u wan cha Shillong, dang yooluti wow ye u booh ya ka sngi wa i por neibhah ini.
Ynne ka sngi da em leh kiwa na Garo Hills kiwa wan yachem wa ki dkhot ka MPCA kiwa kwah leh wow embynta wa ka Meghalaya Peoples’ Committee on Aadhaar.
Kini kynthup ki ya u Rev. Goera M. Sangma na Tura, u Pastor James K. Sangma na Tura, u Pastor Armith Ch. Momin na Kherapara, u Doni Ch. Marak na Garobadha kiwa kular leh wow sdang yeini ha Garo Hills.
Ya kani ka chithi ye phi u Download ka deiwa click heini hawah.
Discussion about this post