Kiwa dang yoh COVID-19 ha Meghalaya da neh ki hapoh 50 ngut la le sngi, hapoh 100 ngut la 27 sngi wa hapoh 200 ngut la 43 sngi khlem sangeh tangwa ynne da boon da kiwa dang yoh ya kiwa chait hadien 3 sngi.
Kiwa dang yoh ynne da em ki 29 ngut, kiwa dang chait 19 ngut wei ym em kiwa dang yap la ar sngi.
Na kiwa dang yoh kiwa boon dooh toh ha East Khasi Hills (23) iwa da pynbood da mar arngut ha Ri-Bhoi, West Garo Hills wa ha West Khasi Hills kat ha kiwi ki 7 tylli ki District ym em kiwa dang yoh.
Na kiwa dang chait kiwa boon dooh toh ha East Khasi Hills wa ha West Jaiñtia Hills (05).
Ki District wa boon dooh kiwa dang chah ktah toh ha East Khasi Hills (277), West Khasi Hills (42), West Jaiñtia Hills (19), Ri-Bhoi (16) wa ha West Garo Hills (14).
Ki District wa duna dooh kiwa dang chah ktah toh ha South Garo Hills (00), South West Garo Hills (02), North Garo Hills (04), East Jaiñtia Hills (05), East Garo Hills (06) wa ha South West Khasi Hills (06).
Waroh kiwa da chait da em ki 97.79% kiwa em 81,916 ngut, kiwa dang chah ktah da em ki 0.46% kiwa em 391 ngut, kiwa yap 1.73% kiwa em 1456 ngut, deilang dapoi 83,763 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 17,77,935 sien heiwa ynne ka sngi da e 7502 sien wa kynthup ya ki HCW 34 ngut, ki FLW 132 ngut, kiwa 18 snem chaneiñ 6217 ngut wa kiwa 45 snem chaneiñ 1119 ngut. Kiwa dang yoh tika ynne kynthup ki leh ya ki 1571 ngut kiwa yoh yei sien wa nyngkong wa 5931 ngut kiwa yoh yei sien wa ar.
Waroh kiwa da yoh tika chisien da em ki 11,09,915 ngut wa 6,68,020 ngut kiwa da yoh la arsien.
Kiwa dang yoh, kiwa dang chait, kiwa dang chah ktah man ki kamni ha wah:
