Ha Meghalaya nadooh wa sdang wow pynjoor yei pynsñiawthooh paidbah chaphang ka kjut Tuberculosis heiwa da pynmih ya ki kot lakdop wa boon hajar tylli ha ka ktien English, Khasi wa Garo kamjooh ki yarap wa e ka sorkar cha kiwa kjut wa chitom na ini i kjut wei da sdang leh ya ka Nikshat Mitra heiwa ki bru samen hadooh ki Company da lai e yarap ki da ki mar baam cha kiwa chah ktah, da dep wow saam 6,666 tylli ki yusong baam cha 2,203 kiwa emTB hapoh ka jylla.
Da em leh 1,742 ngut kiwa yoh TB kiwa da mynjur wow yoh yarap na ka chnong tangwa kiwa da yoh yarap da em ki du 406 ngut wei dang emkaam sa 1300 ngut wow yoh yarap wei da emkaam chooh ya ki Nikshay Mitra namo kiwa sbun mynsien wow wan ki chakhmat wow e yei yarap.
Neiliang ka Dr. M. Syiemlieh, State TB Officer, Meghalaya da khana ko wa kiwa yoh TB ha Meghalaya ha uni u snem 2024 nadooh u January hadooh u June da em ki 2,305 ngut hawa nujor wa u 2023 wa em 4971 ngut.
Da e khublei ko ya ka Meghalaya Rural Bank kawa dadep chon 10,000 tylli ki kot lakdop kiwa pynsñiawthooh paidbah chaphang ini i kjut kiwa da yarap bha wow yada na ini i kjut wei wow tip leh ki dak ki chin.
Da ong ko leh wa ka Pradhan Mantri TB Mukt Bharat Abhiyaan man ko leh kawa miat bha yow wanrah ya ka imlang sahlang yow yakhun pyrchah ya ka kjut TB.
Discussion about this post