Ka jylla Mizoram ynne ka sngi da yoh ko sa 25 ngut kiwa dang yoh COVID-19 thymme ha kini ki 24 kynta iwa da pynpoi ya waroh kiwa da yoh COVID-19 cha ka 648 ngut katkam ka yutip na ka laad pathai khubor sorkar ka Mizoram.
Na kini kiwa dang yoh, 10 ngut toh kiwa na Aizawl District, 10 na Kolasib wa 5 ngut na Lunglei District.
Na kini kiwa dang yoh, 5 ngut toh ki BSF ka 61Bn, 10 ngut kiwa yah truck, i khonboo wa dang 3 bnai wa i khynnah wa 7 snem.
Wa kini ki 25 ngut, kiwa dang em ya u COVID-19 ha Mizoram da em ki 325 ngut katwa kiwa chait won da em ki 323 ngut.
Ka Aizawl District da em ko kiwa boon dooh kiwa dang em ya uni u khñiang kiwa em 217 ngut pynbood sa ka Kolasib 56 ngut waka Lunglei 41 ngut.
Ki District kiwa da chait lut kiwa da yoh COVID-19 toh ka Siaha, Mamit waka Khawzawl.
