25 snem phah kset ka yung bichaar POCSO ka East Jaiñtia ya uwa slaitbor ya ka khynnah wa dang 12 snem

Ka yung bichaar ka Special Judge POCSO, East Jaiñtia Hills District da phah kset ko ya u Leki Rymbai 25 snem yei slaitbor u ya kawi ka khynnah.

Ya u Leki da rai pynrem hapoh ka Section 6(1) ka aiñ POCSO Act deiwa phah kset oo deiwa pynchitom joor bha 25 snem deilang ka kuna kawa Rs. 1 lak wei hapoh ka Section 506 ka IPC da phah kset oo sa chi snem deilang ka 25 snem deiwa su ka kuna kawa Rs. 5000.

Ha ka hukum wa da pynmih da ong wa u Leki hawa e laad ya oo wow klam ym em pynyoo u iyi iyi wa sihlet yeiwa leh u heiwa da paan u yei phah kset wa duna dooh neidaw wa dang em u 28 snem donhi i rta kattæ.

Ya u Leki da kem nyngkong ha ka 29-09-23 wei da kset ya oo hadooh ka 20-11-25 iwa man la ar snem chi bnai wa 22 sngi wei daw ah ya kini ki sngi na ki snem wa da phah kset ya oo heiwa ya ka hukum rai pynrem da pynmih ha ka 20 tarik uni hi u bnai.

Related posts

6 bnai phah kset ka yung bichaar ya uwa kdoh ya uwi u bru hapoh khloo deiwa dat wei pynchitom oo nei miet hei step

December 16, 2025

Chah tooh kawi ka Scooty wa pynyieñ ha lait ka Woodland WK Hospital

December 12, 2025

U Leki da leh u yeini heipor wa kani ka khynnah em ko samen ha yung heipor wa dang ap sur ko ha ka Phone.

U Leki da slaitbor u ya kani ka khynnah kawa dang 12 snem ha ka 28-09-23 heipor 4:00 waje i janmiet wei da takit yeini da ka WPSI. J. M. Kurbah kawa da e ya ka Charge Sheet ha ka 20-11-23.