25 snem phah kset ka yung bichaar ya uwa slaitbor ya ka khynnah hadooh wa punkhon

U SP ka West Khasi Hills District da pyntip u wa ha ka 23-07-20 da yoh ya kawi ka FIR na ka manbei wa ka khon yong ka kawa dang 13 snem da punkhon ko hadien wa chah slaitbor ko ha u Bringstarwell Kharbani.

Neiliang ki pulit da pynngat ki ya u Bringtstarwell hapoh ki kyndon ka aiñ POCSO deiwa pyndep yei takit da ka WPSI D.P. Nongbri, Nongstoin Women Police Station wei ya ka Case da Charge Sheet leh deiwa pynngat ha ki kyndon 506 IPC deilang ka Section 5(j)(ii)(l)(n)/6 ka aiñ POCSO Act.

Related posts

Chah pynyap uwa na Assam pyn ha ki lok u ha Gujarat | Thang ki yei dur u yow lait u em wa tipmit

August 10, 2025

Yoh kem ki pulit ka West Jaiñtia Hills ya uwa myllien wow tooh thuk-thuk

August 6, 2025

Kamtæ ha ka 11 tarik uni u bnai, ka yung bichaar u Special Judge (POCSO), Nongstoin deiwa pait ya waroh ki sabut wa da chem heipor wa pynman yei takit, da pynmih ya ka hukum wow phah kset ya u Bringstarwell 25 snem deiwa khor bha deilang waka kuna wa T. 50,000 hapoh ka aiñ POCSO wa i kset patok wa chi snem hapoh ka Section 506 ka IPC deilang waka kuna kawa T. 1000.

Ya kini ki snem wa da phah kset u kheiñlang ki heijooh i por.