Ka Nehru Yuva Kendra Sangathan (NYKS) da sdang ko ya ka Clean India Program ha Shillong kam chibynta i krehkaam wa chi bnai ka Swachh Bharat Campaign.
Deilang wa ka ri waroh kawi ha ka 1 tarik, neiliang ka Shillong Wing ka NYKS da sdang ki ya ka Clean India Programme ha kiwa boon ki chnong lyngba ki Volunteers Youth Club wa ki dorbar chnong.
Neiliang u Montri ka sorkar pyrdi wa pait ya ka Youth Affairs & Sports, u Anurag Thakur da sdang u ya kani ka thong krehkaam kawa chi bnai ha ka 1 tarik na Prayagraj, Uttar Pradesh. U Thakur da chimbynta u leh wow pynkhooid ya ka Sangam Beach ha Prayagraj deilang wa ki Nehru Yuva Kendra, National Service Scheme Volunteers kamjooh ki bru paidbah.
Da ong u wa ka Swachh Bharat nadooh u 2022 da pynman ha ki 6 lak tylli ki chnong ha ki 744 tylli ki District ka ri lyngba ki NYKS wa ki Youth Club wa ka National Service Scheme ki thaw puræ yow pynsñiawthooh yei emkaam i khooid i jngiar kam chibynta ka Clean India 2.0.
U Montri da pyntip u wa da dep wow pynlang 25,00,000 kg i jhep ha kini ki 10 sngi nadooh wa sdang uni u bani wei da booh thong wow pynlang 1 klur kilo i Plastic lyngba ka Swachh Bharat 2022.
Ka NYKS u pynman ko ya ka Clean India 2.0 Programme ha waroh uni u bnai deiwa ya krehlang wa ki bor District, DRDA, ki Municipal, NSS, Bharat Scouts & Guides, ki Youth Club, ki seiñ manbei, ki SHG, ki Rotary Club, ki Red Cross wa kiw kiwi.
Ha Shillong, ka Dongmusa Umphyrnai waka Uplifter Clubs da pynman ko ya ka Clean India 2.0 Programme ha Umphyrnai wa Demthring Holy Child Old Age Home.
