Kiwa yoh COVID-19 ha Meghalaya da neh ki hapoh 50 ngut la 7 sngi, hapoh 100 ngut la 14 sngi, kiwa chait leh dang boon ki ya kiwa dang yoh la 26 sngi wei da em biang kiwa yap hadien ar sngi.
Kiwa dang yoh ynne ka 25 tarik da em ki 26 ngut, kiwa chait 34 ngut wa 2 ngut kiwa yap ha East Jaiñtia Hills (01) wa ha East Khasi Hills (01).
Na kiwa dang yoh kiwa boon dooh toh ha East Khasi Hills (11) katwa ha kiwi ki District da em ki hapoh 5 ngut heiwa ha East Garo, Eastern West Khasi, South Garo wa ha South West Garo Hills ym em kiwa dang yoh.
Kiwa dang chait kiwa boon dooh toh ha West Garo Hills (10) wa ha East Khasi Hills (08).
I rukom em kiwa dang chah ktah ha ki District man i kamni:
East Khasi Hills (75), West Garo Hills (24), West Jaiñtia Hills (24), Ri-Bhoi (24), North Garo Hills (17), South West Garo Hills (12), East Jaiñtia Hills (11), Eastern West Khasi Hills (09), West Khasi Hills (08), South West Khasi Hills (04), East Garo Hills (02) wa ha South Garo Hills (01).
Waroh kiwa da chait da em ki 98.08% kiwa em 91,627 ngut, kiwa dang chah ktah 0.22% kiwa em 221 ngut, kiwa yap 1.68% kiwa em 1575 ngut, deilang dapoi 93,413 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait, kiwa dang chah ktah, kiwa thiah Hospital wa kiwi kiwi man ki kamni ha wah:
