27 ngut kiwa yap ha Aizawl nei wan ka Cyclone Remal

Ka Cyclone Remal da chim ko yei mynsien ki 27 ngut ha Aizawl, Mizoram ynne hadien wa oor khyndaw wei chah ktah ki yung ki sem ki bru ha Melthum, Hlimen, Falkawn wa Salem Veng.

Ki metyap wa da chem da em ki 27 tylli hadooh wa pynmih ya kani ka khubor wei i thooh yaboi dang em chooh kiwa chah ban hei ktieh i khyndaw dang pteiñ i.

Yow thooh ya kini kiwa chah ban da wan wow leh da ki bru ka State Disaster Response Force deiwa yarap lang ka Melthum Local Council waka YMA.

Neiliang u Chief Minister, u Lalduhoma wa u Minister ka chnat Disaster Management and Rehabilitation (DM&R), u K. Sapdanga da lai hiar ki cha Melthum deilang wa kiwi ki sahep sorkar.

Ka chnat bordiñ kamjooh ka PHE da pynbna paidbah ki wa daw thut i pynpoi um wei pynpoi bordiñ neidaw wa joor chah ktah ki sainar bordiñ wa ki Pipe umkor na ini i oor khyndaw wei chlai um.

U Chief Minister da pynbna u lyngba ka State Disaster Relief Fund (SDRF) ka poisa yarap wa ₹15 klur wa mar ₹4 lak cha kiwa da khlaad.

Da pynbna leh ya ka poisa yarap kawa ₹2 lak cha kiwa ha-yung kiwa khlaad ha Hlimen wei ya kawa dang sah kawa ₹2 lak daw e won hadien katkam ki kyndon ka SDRF.

Hadooh 7:00 waje i miet kiwa khlaad man ki kamni:

Ha Melthum – 14 ngut