Kiwa yoh COVID-19 ha Meghalaya da ku biang ki palat 200 ngut hadien chi sngi iwa da pynku leh ya kiwa chah ktah wow em ki palat 1300 ngut.
Kiwa dang yoh ynne ka 18 tarik da em ki 275 ngut (ynnin 174), kiwa dang chait 162 wa 2 ngut kiwa yap (hadien soo sngi) kiwa waroh ar ha East Khasi Hills District.
Kiwa dang yoh toh ha East Khasi Hills (193), West Garo Hills (35), Ri-Bhoi (20), West Khasi Hills (09), West Jaiñtia Hills (06), South West Khasi Hills (04), South West Garo Hills (03), East Jaiñtia Hills (03), East Garo Hills (01) wa ha South Garo Hills (01).
Kiwa dang chait toh ha East Khasi Hills (142), West Garo Hills (11), Ri-Bhoi (06), West Jaiñtia Hills (02) wa ha North Garo Hills (01).
Ki District wa boon dooh kiwa dang chah ktah toh ha East Khasi Hills (991), West Garo Hills (131), Ri-Bhoi (84), East Jaiñtia Hills (28), West Khasi Hills (27) wa ha West Jaiñtia Hills (28).
Ki District wa duna dooh kiwa dang chah ktah toh ha North Garo Hills (03), East Garo Hills (04), South Garo Hills (05), South West Garo Hills (07) wa ha South West Khasi Hills (10).
Waroh kiwa da chait da em ki 96.76% kiwa em 83,997 ngut, kiwa dang chah ktah 1.51% kiwa em 1318 ngut, kiwa yap 1.71% kiwa em 1492 ngut, deilang dapoi 86,807 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
