Ka Meghalaya State Legal Services Authority (MSLSA) da pynman ko ya ka National Lok Adalat ha ka 13 tarik uni u bnai ha waroh ki District ka jylla hapoh i pyrtuid ka National Legal Services Authority (NALSA) deiwa kyrchaan u Justice Sanjib Banerjee uwa man kam u Chief Justice ka High Court ka Meghalaya wa ka Meghalaya State Legal Services Authority (MSLSA) hei pait u Justice H.S. Thangkhiew, Judge ka Meghalaya High Court uwa man leh kam u Executive Chairman ka Meghalaya State Legal Services Authority.
Ha kani ka National Lok Adalat da chong bichaar ya 962 tylli ki mukotduma ki wym pu em poi ha ka miej ka yung bichaar wa 496 tylli ki mukotduma kiwa da sahteiñ.
Waroh ki mukotduma dapoi ki 1458 tylli wei na kini kiwa da ye u pynyasuk da em ki 276 tylli deiwa su T. 1,97,43,937.17 du hapoh ka National Lok Adalat.
I pyntip na u E. Kharumnuid, Member Secretary, MLSLSA.
