Ki pulit ka Assam ha Barpeta District da phah ki ya ki 28 ngut ki Muslim wa da rai kam ki baar ri da ka Foreigners’ Tribunal (FT) wei ya kini da phah cha ka ‘Transit Camp’ ha Matia, Goalpara District ha ka 2 tarik uni u bnai.
Na kini ki 28 ngut, 19 toh ki chynrang wa 9 ngut toh ki kynthai kiwa man ki Bengali Muslim.
Ya kini da phah hajir na kiwa boon ki thaw cha yung krehkaam u Superintendent of Police (SP) ha Barpeta chwa wow phah ya ki da ki Bus cha ki thaw kset wa chipor namo ki Detention Centre.
Katkam i Video wa poor ha Social Media da yoo ya kiwa ha-yung yong kiwa da chah rai kam ki baar ri ha ki Tribunal ha lait ka yung krehkaam u SP kiwa da yaam katwa dang kit ya ki da ki Bus neibhah wa da rai ya chi bhah kam ki baar ri katwa kiwi won ymtoh.
Ha ki Transit Camp ye u booh hadooh 3,000 ngut chwa wow pynuiñ biang ki cha Bangladesh.
Katkam ka Foreigners’ (Tribunal) Order yong u 1964, ki FT man ki kam ki kasari wow bichaar ya ki bru wa suba wa toh ki baar ri. Ha Assam ki pulit ka Border Wing toh wow pait ya ki bru wa suba toh ki baar ri wow ksoh ya ki wei wow wanrah ya ki cha ki FT.
Du ha Assam em palat 100 tylli ki FT wow bichaar ya ki bru wa suba toh ki baar ri wei kiwa sah tooh hapoh jylla.
Ar bnai nachwa ka sorkar Assam da phah ko ya ki Border Wing wym toh u wanrah ya ki bru kiwa toh ki Hindu, Sikh, Buddhist, Parsi, Jain wa Christan kiwa da psiah chapoh ri chwa u 2014 neidaw yong ka Citizenship Amendment Act.
Neiliang u MP ka Hyderabad, u Asaduddin Owaisi da ong u wa lada ka NPR-NRC jia ko heijooh i por wa ka Census ha uni u snem ym jia kam ini ya ki Muslim wei neini i daw ki jylla kam ka Telangana da pyrchah ki wow pynman ya ka NPR-NRC chirup wa ka Census.
Discussion about this post