Kiwa dang yoh COVID-19 ha India la chi tayaw kattu da em ki palat 2 lak ngut heiwa ha kini ki 24 kynta da kynjoh 3 lak ngut deiwa em 2,95,041 ngut iwa man leh iwa boon dooh ha ka chi sngi, kiwa dang chait da em ki 1,67,457 ngut, kiwa dang yap 2,023 ngut iwa mut wa kiwa dang em ya uni u khñiang da ku ki da 1,25,561 ngut.
76% na kiwa dang yoh ya uni u khñiang da em ki ha ki 10 tylli ki jylla kiwa boon dooh ha Maharashtra 62,097 ngut, Uttar Pradesh 29,574 ngut, Delhi 28,395 ngut, Karnataka 21,794 ngut, Kerala 19,577 ngut, Chhattisgarh 15,625 ngut, Madhya Pradesh 12,727 ngut, Gujarat 12,206 ngut, Rajasthan 12,206 ngut, Rajasthan 12,201 ngut wa ha Tamil Nadu 10,986 ngut.
61% na kiwa dang em ya uni u khñiang toh kiwa em ha ki 5 tylli ki jylla kiwa boon dooh Maharashtra kiwa em 31.77%, Uttar Pradesh 10.36%, Karnataka 7.38%, Chhattisgarh 5.83%, Kerala 5.52% katwa kiwa sah 39.14% da em ki ha kiwi ki jylla.
Na kiwa dang yap kiwa boon dooh toh ha Maharashtra 519 ngut, Delhi 277 ngut, Chhattisgarh 191 ngut, Uttar Pradesh 162 ngut, Karnataka 149 ngut wa ha Gujarat 121 ngut.
Waroh kiwa da chait da em ki 85.01% kiwa em 1,32,76,039 ngut, kiwa dang em ya uni u khñiang da em ki 13.82% kiwa em 21,57,538 ngut, kiwa yap 1.17% kiwa yap wa em 1,82,553 ngut, deilang dapoi 1,56,16,130 ngut kiwa da dep yoh ya uni u khñiang hapoh ka ri.
Heiyatoh wa i e dawai yada COVID-19 hapoh ka ri, da dep wow e la 13,01,19,310 sien heiwa ynnin ka sngi da dep wow e 29,90,197 sien.
