Ka 2nd Division 2024 ka East Jaiñtia Hills District Football Association (EJHDFA) da poi ko cha ka sngi wa 14 ynne deiwa pyndep ya ar tylli ki yalehke Quarter Final wa dang sah.
Ha ka yalehke wa nyngong, ka Deinshalalu SC da rem ko da 1-2 ha ka Sutnga Mission SSCC.
Ya ka Deinshalalu da thap da u Dimon Ksih ha ka minit wa 67 katwa ya ka Sutnga Mission da thap da u Greatstar Pajuh ha ka minit wa 31 wa u Welson Pala ha ka minit wa 54.
Ha ka yalehke wa ar, ka Musniang SC da jop ko da 3-1 ya ka Lakadong Umlatdoh SCSC.
Ya Musniang da thap da u Michael Rymbai ha ka minit wa 10 wa 16 wa u Rusimiki Rymbai ha ka minit wa 32 katwa ya ka Lakadong Umlatdoh da thap da u Wanki Syad ha ka minit wa 76.
Kamtæ da psiah Semi Final ka Sutnga Mission SSCC wa ka Musniang SC wei da yoh ki leh wow ku cha ka 1st Division ha ka aiom wa daw wan.
Kiwa da dep yoh u psiah Semi toh ka Ladrymbai Dongwah wa R. Madanpynriang.
Ki Semi Final u pynman ha ka 28 tarik hapyrdi ka Ladrymbai Dongwah waka Sutnga Mission heipor 12:30 i sngi wei daw pynbood da ka R. Madanpynriang waka Musniang heipor 3:00 waje i sngi.
Discussion about this post