Ka 2nd Division 2023 ka East Jaiñtia Hills District Football Association (EJHDFA) da pteiñ biang ya ka ynne ka sngi da le tylli ki yalehke wow pynkut noh ya ka League Stage wei u sdang noh da ka Quarter Final.
Ha ka yalehke wa nyngkong, ka Diengshynrum SC da jop ko yaka Ladrymbai Dongwah SC da 3-1.
Ya ki kool ka Diengshynrum da thap da u Rumi Lyngdoh haka minit wa 43 wa 78 wa u Bewithus Sympli haka minit wa 74 katwa ya ka Ladrymbai Dongwah da thap kool da u Promi Tariang haka minit wa 8.
Ha ka yalehke wa ar, ka Pamrakmai SC da jop ko yaka Iongkaluh Wahsder SC da 1-0 da ka kool wa thap u Nirmal Dkhar haka minit wa 80.
Ka yalehke wa le won da kut da 0-0 hapyrdi ka Umlyngsha Youth SSC waka Jalyiah United SC.
Da ini i jop ka Diengshynrum SC da yoh nyngkong ko na ka Pool B katwa ka Ladrymbai Dongwah won da yoh wa ar ko wei da yoh ki wow psiah Quarter Final.
Ka Pamrakmai SC won da ini i jop da yoh ko wow psiah cha ka Quarter Final kawa man ka yoh wa ar na ka Pool C.
Ka Jalyiah UTD wa ka Umlyngsha Youth SSC leh da yoh ki u psiah cha ka Quarter Final na ka Pool D lyngba ini i drawn ynne.
Ki yalehke Quarter Final u sdang ki ha ka 5 tarik u Naikhynde.
Discussion about this post