Ka 2nd Division 2023 ka East Jaiñtia Hills District Football Association (EJHDFA) da pteiñ biang ya ka ynne ka sngi deiwa pynman ya ka Quarter Final wa soo kawa man leh kawa khaddooh.
Ka yalehke wa da pynman toh hapyrdi ka Jalyiah UTD SC waka Ladrymbai Dongwah SC wei kani ka yalehke da kut ko da 1-1 hadooh wa kut i por.
Ka Jalyiah da yoh ko wow thap kool nyngkong haka minit wa 14 lyngba u Sankhlur Phawa kawa da neh hadooh wa kut ka kylla step.
H ka kylla miet, ka Ladrymbai Dongwah da ye ko wow su kylliang lyngba u Promi Tariang haka minit wa 69 wei hadien ini ym em da wa yoh u pynkhih ya ka jaar.
Kamtæ da pynman da ka yachut Tie-Breaker heiwa ka Jalyiah UTD SC da jop ko da 4-1.
Da ini i jop, ka Jalyiah UTD da yoh ko wow psiah Semi Final wei da ku ko leh cha ka 1st Division ha ka samoi wow wan.
Ki yalehke Semi Final waroh ar u pynman ha ka 16 tarik uni u bnai.
Discussion about this post