Ka 2nd Division ka West Jaiñtia District Sports Association (WJDSA) kawa tip leh kam ka 6th Debo Shullai Memorial Trophy da pteiñ ya ka ynne ka sngi da ar tylli ki yalehke.
Ha ka yalehke wa sdang hapyrdi ka Lumpariat waka Chutwakhu da kut ko da 1-1.
Ka Lumpariat da yoh ko wow thap nyngkong lyngba u Desiderions Pyrtuh haka minit wa 25 katwa ka Chutwakhu da yoh ko su kylliang lyngba u Babiang Khyriem haka minit wa 57.
Ha ka yalehke wa ar, ka Dongmihsngi da jop ko yaka West Madan Mustem da 5-1.
Ya ka Dongmihsngi da thap kool u Betterly Sariang haka minit wa 2 wa 34, u Longshisha Syrpuh haka minit wa 42, u Ewanmida O Langstang haka minit wa 73 wa u Vishal Shadong haka minit wa 74.
Ya ka West Madan Mustem da thap kool bakla (Own Goal) da u Longshisha Syrpuh haka minit wa 6.
Ki yalehke u pteiñ biang ki mynstep da kawi donhi hapyrdi ka Mooknor Thadmuthlong waka Chilliangraij heipor 12:00 waje pyrdi sngi.
Discussion about this post