2nd Division: Jop ka Iawmulong Nartiang

Ka 7^th U Debo Shullai Memorial Trophy kawa man leh ka 2^nd Division Football Tournament 2024 wa pynman da ka West Jaiñtia District Sports Association (WJDSA) dapoi ko cha ka sngi wa soo ynne deiwa pynman ar tylli ki yalehke.

Ka yalehke wa nyngkong da kut ko da 1-1 hapyrdi ka Luti Tuber Ialong waka Risingsun Mukhla heiwa ya ka Luti Tuber Ialong da thap da u Marbhah Dhar ha ka minit wa 24 katwa ya ka Risingsun Mukhla da thap da u Stopper Bang ha ka minit wa 49.

Ha ka yalehke wa ar, ka Iawmulong Nartiang da jop ko ya ka Shangpung Khliehmushut da 1-0 da ka kool wa thap u Living Suja ha ka minit wa 13.

Mynstep ki yalehke u pynman da ki Quarter Final ka 3^rd Division heiwa ka Riatsaliya u yachem ko waka Newhill heipor 12:30 i sngi wei daw pynbood da ka Lumpyrtuh Mihmyntdu waka SC Nonglatem heipor 2:30 i sngi.