Ka 2nd Division ka West Jaiñtia District Sports Association (WJDSA) kawa tip leh kam ka 6th Debo Shullai Memorial Trophy da pteiñ ya ka ynne ka sngi da ar tylli ki yalehke.
Ha ka yalehke wa nyngkong, ka Mooknor Thadmuthlong da jop ko yaka NSA da 2-1.
Ya ki kool ka Mooknor Thadmuthlong da thap da u Ioh I Dhar haka minit wa 38 wa u Phrangki Sari haka minit wa 78 katwa ya ka NSA da thap da u Sevensonly Thubru haka minit wa 51.
Ha ka yalehke wa ar, ka Lion SC da jop ko yaka Chilliangraij da 3-1.
Ya ki kool ka Lion SC da thap da u Banteidor Syngkrem haka minit wa 27, u Sanborlang Kharsahnoh haka minit wa 76 wa u Arkini Laloo haka minit wa 89+3 katwa ya ka Chilliangraij da thap da u Thrang Iakai haka minit wa 55.
Ki yalehke u pteiñ biang mynstep da ar tylli kiwa daw sdang da ka Pynthorlangtein waka Panaliar heipor 12:00 waje pyrdi sngi wei daw pynbood da ka Iawmulong Nartiang waka Shangpung Khliehmuchut heipor 2:00 waje i sngi.
Discussion about this post