2nd Division: Jop ka Mukhla Umlangchor deiwa suk ya ka Mowtyrchiah

Ka 7^th U Debo Shullai Memorial Trophy kawa man leh ka 2^nd Division Football Tournament 2024 wa pynman da ka West Jaiñtia District Sports Association (WJDSA) dapoi ko cha ka sngi wa khad-ynñiaw ynne deiwa pynman ar tylli ki yalehke.

Ha ka yalehke wa nyngkong, ka Mukhla Umlangchor da jop ko ya ka Mowtyrchiah da 6-1.

Ya ka Mukla Umlangchor da yoh Hat-Trick u Niawkor Sari uwa da thap ha ka minit wa 40, 70 wa 77, ar kool na u Rio Lyngdoh ha ka minit wa 45 wa 49 wa chi kool na u Teei Sumer ha ka minit wa 51 katwa ya ka Mowtyrchiah da thap da u Ban Suchiang ha ka minit wa 33.

Ka yalehke wa ar da kut ko da 3-3 hapyrdi ka Khliehmyngkrem waka NSA.

Ya ka Khliehmyngkrem da thap da u Marle Khlem ha ka minit wa 18 wa 47 wa u Damon H Nongjngi ha ka minit wa 44 katwa ya ka NSA da thap da u Richard Pasi ha ka minit wa 20, u Heimon Phawa ha ka minit wa 40 wa u Phidalis Dkhar ha ka minit wa 61.

Related posts

Sdang sa ki yakob yalehbol ki chynrang ha ka 1st Wailadmiki Shylla Youth Festival

January 7, 2026

Cha jied 2 ngut ki khynnah ka Jowai Grassroot Football Coaching ha ka Assam Warrior Football Academy yow yoh yei chah sikai wa dei mynkna

January 7, 2026

Ki yalehke wa bood u pynman ha ka 23 tarik kiwa man kamni:

Rising Sun Mukhla Vrs Shangpung Khliehmuchut (12:00 PM)

Iawmulong Nartiang vrs Lumbhahdakha Wahiajer (2:00 PM)