2nd NECDC Senior Women’s T20 Tourney: Psiah Semi ka Meghalaya

Ki kynthai ka Meghalaya da yoh nyngkong ki ha ka Group A deiwa jop da 29 Run ya ka Nagaland ha ka 2nd NECDC Senior Women Tournament 2025 wa da pynman ha Rangpo, Sikkim, ynne ka sngi.

Da Debasmita Dutta da lehbha ko deiwa kamwai 68 Run na ki 65 bol hadien wa phah Bat chwa ya ka Meghalaya wei da kamai ki waroh 122/4 na ki 20 Over heiwa ka Nagaland da jubab ko deiwa kamai 93/9. 

Ka Meghalaya dadep ko wow pynrem ya ka Mizoram ynnin iwa mut da jop ko la ar sien. Ka Nagaland leh dadep jop ko ya ka Mizoram ha ka sngi wa sdang ya kani ka Tournament.

Kiwi de kiwa lehbha toh ka Neha Hajong kawa kamai 20 Run na 21 bol wei da wan sa ka Ajima Sangma kawa da kamai 15 Run na ki 7 bol chwa u kut. 

Related posts

Psiah Final ka Amlarem Social Club ha ka 1st War Jaiñtia Invitation Football Tournament 2025

May 9, 2025

District Cricket League: Jop ka Evergreen Mukhla Mission ya ka Moodymmai

May 8, 2025

Da ka bol won, ka Monica Singh da lehbha ko ya ka Meghalaya deiwa yoh 2/13 na ki 4 Over deilang wa ka Indariakor K Wanniang (1/12 na 2 Over), ka Rubi Chettri (1/13 na 4 Over) wa ka Neha Hajong (1/15 na 2 Over). 

Ka Debasmita da yoh ko leh yei naam Player of the Match iwa da yoh ko leh ha ka yalehke pyrchah ya ka Mizoram. 

Ka Meghalaya kattu u yachem ko wa ka Manipur ha ka Semi Final wa nyngkong wa daw pynman ha ka 10 tarik katwa ka Sikkim daw yachem ko wa ka Nagaland ha ka Semi Final wa ar.