Ka 2nd North East Olympic Games 2022 daw sdang ko ha ka 7 tarik da ki yalehbol ki U-21 ki chynrang hanla ka tarik wow wai ya kani ka lympung u man ko ha ka 10 tarik wei da hap pynman chwa ya ki yalehbol neidaw wa emkaam sngi chong-ngiah kiwa yalehke.
Ka Meghalaya da em ko ha ka Group 2 deilang waka Nagaland, Arunachal Pradesh waka Sikkim. Haka Group 1 da em ka Manipur, Mizoram wa Assam. Tangwa ka Tripura da randien ko na waroh ki yalehke ki chynrang wa kynthai na ki daw wym ye u kiar katwa ka Nagaland daw phah ko du kiwa yalehke ki chynrang donhi.
Ha ka yalehke U-17 ki kynthai, ka Manipur, Assam wa Sikkim da em ki ha ka Group 1 katwa ka Mizoram, Meghalaya waka Arunachal Pradesh da em ki ha ka Group 2.
Kiwa yalehke chynrang na kiwi ki jylla da poi ki ynne i step ha Inter-State Bus Terminus heiwa da pdiang sñiawbha ya ki da ki dkhot ka Organising Committee chwa wow lai booh ki cha ka thaw sah.
Waroh ki yalehke u pynman ha ka madan ka MFA kawa man ka Third Ground, Polo wei da khut ya kiwa wan paitke tangwa rap duna ki thaw paitke.
Ka Meghalaya daw yachem ko waka Sikkim ha ka 7 tarik heipor 12:30 i sngi, wei daw pynbood sa ka Nagaland waka Arunachal Pradesh heipor 3:30. Tangwa daw sdang da ka yalehke hapyrdi ka Manipur wa Assam heipor 9:00 waje i step.
Ha ka 8 tarik daw sdang ki yalehke yong ki kynthai hapyrdi ka Manipur waka Assam ha ka Group 1 heipor 11:00 waje i step wei daw pynbood da ka Mizoram waka Meghalaya ha ka Group 2 heipor 3:00 waje i sngi.
Kiwi ki yalehke man ki kamni ha wah:
