Ka yalehke yong ka 2nd Sumer League 2022 wa pynlai daka Sumer Socio Cultural Sports & Education Development Society kawa man leh ka lympung yalehbol hapyrdi ki kur wa da pynman hapoh ka Sumer Elaka East Jaintia Hills District dapoi ko cha ka sngi wa 6.
Haka yaleh wa da pynman ynne da pynman hapyrdi ka Kur Paslein L&U FC pyrchah yaka Kur Salahe Pakem FC heiwa ka Kur Salahe Pakem FC da jop ko da 4-1.
Ya ka Kur Salahe da thap kool da u Burom Salahe haka minit wa 21 wa ha ka minit wa 31, u Medon Salahe haka minit wa 27 wa u Meda Pakem haka minit wa 37. Ka Kur Paslein da yoh ko wow thap kool lyngba ka Penalty u Lamphrang Paslein haka minit wa 41.
Ka yalehke mynstep u man ko hapyrdi ka Kur Salahe Pakem FC pyrchah yaka Kur Lamurong FC heipor 1:00 waje i sngi wei daw pynbood da ka Kur Dkhar FC pyrchah yaka Kur Chyrmang FC heipor 3:30 noh chariñ ka sngi.
