3 lak ka song poisa ka Tournament ka chnong Bataw | Da khut da wer ya ki Club wow ya chimbynta

Ka Rumshnong Youth Club Bataw da rai ko wow kylliang pyrtuid ya ka Tournament yong ka na ka RYC Bataw Knockout Football Tournament cha ka Umsyngki Knockout Football Tournament iwa rai da ka Executive Committee ha ka 24-10-25 ha yung Club.

I thmu wa kongsan u e pyrtuid thymme toh u booh naam ya ka nan Umsyngki wa em ha rood yong ka chnong heiwa da angnood leh wa daw pynman ya ka Umsyngki Festival kam ka wyrta wow pynneh pynsah ya ka bei rymaw hapoh yong ka thaaiñ.

Kamtæ dapoi cha ka wat wa soo i pynman ya kani ka lympung yalehbol deiwa pynman ya ka 4th Umsyngki Knockout Football Tournament 2025-26 deiwa booh thong u wai ha ka 20-12-25 ha madan Lacheh Playground Bataw.

I thmu wa hakhmat yong ka Club wow pynman ya kani ka Tournament wa heh hapoh yong ka thaaiñ toh u pynku ya ka kaam yalehke ki khon khynroo wa em ya ka sap ka phong kamjooh yoh u lait ki khynroo nei kaam wa sih wa ki jait dih wa pynmuaid kam i drugs, bhang kiwa da sdang u sooh thied wot ha ki thaaiñ wa jngai na sor, da ong uwa yahkhmat ka Club, u Deihok Sumer uwa man leh u waheh chnong ka Bataw.

Ka song poisa ha kani ka lympung yalehbol dapoi ko waroh Rs. 3 lak heiwa kiwa yoh yei naam Champion u yoh ko Rs.2 lak wa ka Trophy katwa kiwa rem Final won u yoh ki Rs.1 lak deilang wa ka Trophy.

Daw e leh ki khusnaam pynchlur wa kynthup ya Best Player wa Best Goal Keeper.

Related posts

T20 Cricket Tournament: Jop ka Goodwill CC wa ka Laphet CC

February 9, 2026

Khut ka Tympang Club ya ki chynrang wa kynthai wow chimbynta ha ka Open To All Cross Country Race

February 9, 2026

Ha kani ka Tournament u pdiang du 16 tylli ki Team iwa mut u pynman Direct ka Round 16 wei ka bai thap Team man ko Rs.6000 heiwa da kheiñlang wa ka bai Register Player. Ya ki kyndon ain (Rules & Regulations) yong kani ka Tournament ye phi u yoh na u Sports Secretary.

Kamtæ da khut sñiawbha ya ki Team samen, ki Club Dong, Club Chnong hapoh yong ka thaaiñ kamjooh wa kiwi ki thaw wa na baar yong ka District u ya chimbynta phi khnang wa i thmu ka Club u man ki kiwa jop, wei da pyntip leh wa u pdiang chwa ki Team wa smat u su bai psiah næ Entry Fee, kamtæ kiwa em i thmu wow ya chimbynta u sñiawbha phi u yachem wa u Niki Lyngdoh, Sports Secretary yong ka Club lane deiwa Phone ha uni u Number-8787821276.