Wow kyrchaan ya ki khynnah kiwa da dooh ya ki bei ki pa kamjooh kiwa ri ya ki (Legal Guardian) ha ka kjut khlam COVID-19 nadooh 11 Wisu 2020 hadooh 28 Thohlakhmi 2022, da sdang ya ka PM CARES for Children Scheme da u Montri Rangbahdooh ka ri, u Narendra Modi.
Ka thong yong ka PM CARES for Children Scheme toh wow sumaar wei wow yada ya ki khynnah khnang wow heh u san ki deiwa yoh yei chait i khiah, wow pynbiang ya i puræ puthi, kamjooh wow yarap poisa ya ki.
Ka East Jaiñtia Hills District leh da chimbynta ki ha kani ka ylang lyngba ka Video Conferencing/Webcast ha Conference Room ka yung krehkaam u Deputy Commissioner, heiwa da wan chimbynta da u A. Baranwal, Deputy Commissioner, u Teibor Kyndiah, District Child Protection Officer, ki dkhot ka Child Welfare Committee, ka Child Line, District Legal Services Authority wa ki Superintendent of Child Care Institution hapoh ka District.
U A. Baranwal, da ekti u ya ki kot ki sla wa em ka chithi na u Montri Rangbahdooh ka ri, da e leh ya ki Sneh Patra (Certificate ka PM CARES), PM CARES for Children Passbooks waka Health Card of Ayushman Bharat-Pradhan Mantri-Jan Arogya Yojana (PM-JAY) cha 3 ngut ki khynnah ka District wa yoh yarap na ka PM CARES.
