U Dr. A. War, DHS da pyntip u wa ynne ka sngi da em sa 3 ngut kiwa dang yoh ya u COVID-19 ha Meghalaya iwa da pynpoi ya waroh kiwa dang em COVID-19 cha ka 270 ngut. Kini ki 3 ngut toh kiwa liwan na baar jylla.
Da ong u leh wa ynnin wa da em i bakla i kheiñ yei katwon ngut wa em kiwa yoh COVID-19 neidaw ka NEIGRIHMS pynbna ko ya kiwa da dep wow kheiñ chwa wei kamjooh leh neiliang ki BSF da pynbna ki arsien ya ki jooh ki pyrtuid, wei neiliang ka sorkar da booddien ko ya ini deiwa phone cha uwi pa uwi wa yoh COVID-19.
Kamtæ ha East Khasi Hills da em waroh 236 ngut kiwa dang em ya u COVID-19 iwa kynthup ya 179 ngut ki BSF, 2 ngut ki Air Force, 2 na Assam Rifle wa 1 na Army katwa 52 ngut toh ki bru paidbah.
Ha Ri-Bhoi-19 ngut
Ha East Jaiñtia-2 ngut.
Ha West Garo Hills-9 ngut (7 ngut ki BSF).
South Garo Hills-2 ngut
East Garo Hills-1
North Garo Hills-1
Kiwa chait da em ki 46 ngut wa 2 ngut kiwa yap iwa da poi waroh 318 ngut.
Da pyntip u leh wa da dep wow Test ya 24,817 tylli ki Sample wei dang yang yaka Result ki 300 tylli.
Kiwa da liwan chapoh ka jylla da em ki 21,837 ngut.
Da pyntip u leh wa ki bru kiwa dang booddien (Contact Tracing) da em ki 198 ngut.
