Ka All India Service Pre-Examination Training Centre (AISPETC) wa em ha MATI, Mawdiangdiang da pyntip ko wa ha i sien wa nyngkong ki khon khynroo khyllood ka jylla kiwa wan pynkhreh wa wan chah sikai ha ka wow yaleh ya ka Exam UPSC heiwa da em 3 ngut kiwa da chah mih pyrtuid ha uni u snem.
Kani ka thaw e sikai ka AISPETC toh kawa da leh la ar snem kattu heiwa da e sikai ya 125 ngut man-u-snem. Kani ka thaw toh kawa em leh ya ka Hostel neibynta 75 ngut kiwa da wan chah sikai na kylleiñ ka jylla Meghalaya wei ka e sikai leh man ko dei mynkna.
Da wan leh kiwa e sikai na kiwa boon ki sor ka India lyngba ka Online kamjooh deiwa wan ki dei bru dei langær.
Da jooh pynman leh ya ki Test kut i por yow pynkhreh ya kini kiwa yaleh UPSC wei ini da yarap ki ya ki le ngut wow lait ki ha kani ka UPSC Prelim Exam yong uni u snem wei kini toh u Nidakyrkhu Dkhar, u Anmiel Azareel Syiem wa u Thomas Edison Sumer.
Uwi na ki toh uwa dei sah Hostel uwa da ong wa ka e sikai wa i pynman ya ki Test da yarap bha wow lait ya kani ka Exam wa khor bha.
Neiliang kani ka thaw e sikai daw pynkhreh ko wow e yarap neibynta ka Exam wa bood yow ye kini le ngut wow lehbha kawa da booh wow pynman ha u Naikhynde.
Ha uni u snem da em palat 10 lak ngut kiwa da thap pyrtuid wow yaleh ya kani ka Preliminary Exam heiwa du kamwa 14,000 ngut kiwa chah jied yow yaleh won ya ka Written (Main) Exam.
