Hadien wa em wa yap nyngkong ynnin ka sngi na u COVID-19 ha Manipur, ynne da em sa 3 ngut kiwa yap, katkam wa pyntip u Dr. Khoirom Sasheekumar Mangang, Additional Director & Spokesperson Health Department, Manipur.
Kiwa dang yap toh ki chynrang kiwa 48, 47 wa 60 snem i rta kiwa da em chwa ki chitom kiwa chah sumaar ha RIMS wa JNIMS.
Hadooh 7 waje ynne i miet kiwa dang yoh COVID-19 da em ki 47 ngut kiwa 37 ngut ki chynrang wa 10 ngut ki kynthai.
Da em leh 19 ngut kiwa chait kiwa da pyntikna deiwa leh yaka RT-PCR Test.
Waroh kiwa da dep yoh COVID-19 da em ki 2505 ngut heiwa kiwa dang em ya uni u khñiang da em ki 829 ngut, 1672 ngut kiwa chait wa 4 ngut kiwa yap. Kiwa chait da man ki 66.90%.
