3 sngi e por ka Wapungskur ya u Dolloi ka Elaka Jowai wow pyndam ya ka NOC booh karkhana Coke

Kiwa yahkhmat ka Dorbar Chnong Wapungskur ynne da lai yachem ki wa u Member Secretary ka Meghalaya State Pollution Control Board (MSPCB) ha Shillong yow ujor pyrchah yei booh karkhana Coke hapoh u pood u ang ka chnong iwa tip kam i Thlukure Wah Tongtiang tangwa ha ka Consent To Establish (CTE) wa da e da ka MSPCB da thoh wa ini i thaw em i hapoh ka chnong Mookhep, East Jaiñtia Hills iwa kam ka chnong da ong ki toh iwa bakla.

U waheh chnong ka Wapungskur, u Postling Dkhar hadien wa yachem wa u Member Secretary da pyntip u wa da e ka Pollution Board ya kani ka CTE toh wa da yoh ki ya ka Clearance na u DFO kawa ong wym em khloo ha kani ka thaw iwa da pynphylla ya ki neibhah em ka khloo ka chnong (Community Reserve Forest) ha kani ka thaw.

Wei da pyntip u leh wa ynnin da Phone u cha u Dolloi ka Elaka Jowai uwa da ong i jooh wa da e NOC u neidaw wym em khloo ha kani ka thaw wei da khut yachem u leh ya ki mynstep.

U waheh chnong da ong u leh wa u e por ki 3 sngi ya u Dolloi wow pyndam noh ya kani ka NOC kamjooh leh ya u waheh chnong ka Mookhep.

Related posts

Da seiñ ya ka Pnar Students’ Union

May 19, 2025

Khang ka India wow wanrah ya ki that, ki marbaam wa kiwi de na Bangladesh lyngba ka Meghalaya

May 18, 2025

Neiliang ka MSPCB won da ong ko wa daw lai hiar ko cha kani ka thaw yow pyntikna wym toh ka thaw wa em khloo tangwa neliang u waheh chnong da ong wym yoo tikna neibhah dadep ki wow ong chwa wa kani ka thaw ymtoh kawa em khloo.

Da ong u wa ki daw wa pyrchah toh i tdem napoh ka karkhana Coke ym neh i chithaw wei kawa lai kylleiñ kylleiñ wei iwa sma. Ka Mookhep deilang ka Wapungskur toh kawa yabi pood wei nadooh wa em ki karkhana Coke ki yung ki sem waroh da kylla rong yong ki wot hawa niaam rong leh wei da pyntip u leh wa hawa yaklam hapoh ka Pamrapaithlu PHC, da chem wa boon ki khynnah khian wa kiwa dang kha wa yap wei kini waroh ye wow man neidaw wa em ki karkhana Coke.

Kamtæ u Dolloi lada kwah u wow booh karkhana Coke toh u booh u hapoh kpær, ha pchem yung hi u neibhah ymtoh wow biang yong kiwi katwa kiwi won yap ki wei la kammon kammon leh ym chah ka chnong wow chna ya kani ka karkhana wei daw wan pait ki sngi wei miet.

Da ong u leh wa nadooh nachwa ym jooh em chah ka Wapungskur wow booh kam kini ki jait karkhana wei kani ka karkhana wa katni leh tang ka Public Hearing leh ym em pynman chwa u sdang wow chna ka.

Kamtæ da dawa leh na ka MSPCB toh wow pyndam noh ko ya kani ka CTE wa da e ki.