30.1°C i chit ha Jowai katwa ha Ampati 40.5°C

I chit ha kiwa boon ki jylla ka North India dang pteiñ i wei neiliang ki chipai ka BSF kiwa em cha ri chyiap ka Rajasthan ha khappood waka Pakistan da pynyoo ki hadooh katwon joor i chit heiwa da chet pylleiñ ki deiwa tymmoh hapoh u chyiap.

Ini wa dep uwi won u BSF da chet u da u papad dewa tymmoh hapoh u chyiap.

Ha Rajasthan ha ka 23 tarik du ha chi sngi da em 12 ngut kiwa yap nei suba yoh Heatstroke heiwa i chit da ku i chadooh 48.8°C.

Ha kiwi ki jylla kam ka Punjab, Haryana, Gujarat, Uttar Pradesh wa Madhya Pradesh i chit da ku i chadooh 45°C.

Related posts

Cyclone Dana: Da pynsangeh ya ki rel, ki lieñ wa ki lieñsuiñ ha West Bengal wa Odisha

October 24, 2024

Dong ka Cyclone Dana cheiliang sepsngi

October 24, 2024

Hapoh Meghalaya leh i chit da joor bha i khamtam ha Garo Hills heiwa ha ka 24 tarik uni u bnai ha Ampati i chit dapoi i 40.5° C, ha Baghmara 38.3°C, ha Resubelpara 37.7°C katwa ha Tura 36.3°C.

Ha ka 25 tarik uni u bnai, ha Jowai i chit dapoi i 30.1°C, ha Mynkre 34.9°C, ha Shillong won 28.1°C katwa ha Sohra 30.1° C.

Ha Guwahati, Assam ynnin i chit dapoi i 40.1°C kawa man ka sngi wa chit dooh ha kani ka sor hadien 64 snem heiwa ha ka 01-05-1960 i chit dapoi i 40.3°C.