Kam chibynta wow wai chooh chooh ya ki kaam hapoh ka jylla Meghalaya nadooh ka 1 tarik Naikhynde, 2021 neiliang u DC ka West Jaiñtia Hills da pynmih u ya ki hukm wa yatoh wa i wai ki skur, ki thaw uiñke suwari wa ki kari kamai wa lai cha East Khasi Hills District.
Heiyatoh wa ki skur kiwa em ha sor:
Class I hadooh V- Da ka Online donhi
Class VI hadooh VIII- Dei lai mih donhi cha skur
Class IX hadooh XII- U wai ki pura
Heiyatoh wa ki skur kiwa em cha palatsor:
Class I hadooh V- Dei lai mih donhi cha skur
Class VI hadooh VIII- U wai ki pura
Class IX hadooh XII- U wai ki pura
Ki District School Education Officer/Sub-Divisional Education Office u pait ki yei bood ya ki kyndon wa da pynmih da ka chnat Puræ Puthi ka Meghalaya.
Kamjooh ki College wa em ha sor wa cha palat sor u man ki kiwa wai pura heiwa ki Principal u pait ki yei bood ya ki kyndon.
Ki yung krehkaam ka sorkar pyrdi, ka sorkar jylla ye ki wow wai deiwa em ki wakreh 100% wei toh u khang ki 5:00 waje i janmiet. Ini leh man i jooh ya ki Bank wa ki Post Office.
Heiyatoh wa i wai ya ki kaam uiñke suwari neibynta kiwa napoh ka jylla, kiwa na baar jylla wa na baar ri. Ki Tourist Officer, West Jaiñtia Hills District toh u pait ki yei pynkrehkaam ya ki kyndon wa da pynmih da ka chnat Tourism ka Meghalaya.
Da chah wow lai ki kari na kawi ka District cha kawi tangwa ki kari kamai u lai ki 30% donhi na West Jaiñtia Hills cha East Khasi Hills deiwa boon ya ini ha wah:
| Days | Number ending with |
| Monday | 0,1,2 |
| Tuesday | 3,4,5 |
| Wednesday | 6,7,8,9 |
| Thursday | 0,1,2 |
| Friday | 3,4,5 |
| Saturday | 6,7,8,9 |
Waroh ki kari kami wa wan na West Jaiñtia Hills toh u pynyieñ ki ha Boucher Road, Shillong.
Kiwa yah kari toh u pyntikna ki wa waroh kiwa chong kari deiñ ki ya ki Mask wei toh leh u pynyajngai ya ki.
