Ki seiñ wa em hei kaam uiñke suwari wa kynthup ya ka Tour Operators Association of Meghalaya (TOAM), ka Meghalaya Rural Tourism Forum (MRTF), ka Meghalaya Tourism Development Forum (MTDF), ka Tour Guides Association of Meghalaya, Central Body (TGAM,CB), ka Federation of Shillong Hotels (FOSH), ka Department of Tourism & Travel Management waka Martin Luther Christian University Department of Tourism & Hotel Management, NEHU da pynsñiaw ki yei beiñ yeiwa jia ynne i step heiwa da em kawi ka seiñbhalang kawa da khang yei psiah ki kari kiwa kit bru wa uiñke suwari kiwa da mut wow lai cha Sohra wa Dawki.
Da ong ki wa i ku ka yaaw ka haat wei i kamai kajih na ki kaam uiñke suwari toh deiwa kreh chitom ki heiwa ynne ka sngi da dooh nong ki thaw sah 30% neidaw wym em yoh kiwa sah u wan wei da antaad leh wa daw dooh nong sa 50% manda pyndam kiwa mut u wan mynstep ka sngi manda poor kani ka khubor wa jia ynne.
Da ong ki leh wa kam kiwa em ha ini i kaam da yoo ki wa ki seiñbhalang da leh ki katwa ngait hapoh ka jylla wei da leh ki lakam ki toh ka sorkar, kamtæ da kyntu ki wow dam u leh yeini neibhah da dai sarom i najrong wa man ko pyrchah ya ka aiñ wei man i leh wow pyntieñ pynsmiej ya kiwa uiñke suwari.
Kamtæ da ong wa ini i leh kawi ka seiñbhalang ynne da ktah ko yei kaam wa da chimpor da ki snem wow kreh yow wanrah yei naam.
Chooh chooh da ong wa ki da yoo ki hadooh katwon ktah ki kaam deiwa chah beh kiwa kreh mylla ha ki kaam kiwa yatoh wa i uiñke suwari wei kam ini waroh da pynman leh wot ya ka sorkar USA wow ong ya kiwa chong chnong ki wa maa bha u lai cha Meghalaya.
Discussion about this post