Ka Dorbar Chnong Moodymmai da pynbna paidbah ko wa kam chibynta wow pynneh pynsah yei khooid i jngiar wa i chongsuk chongsaaiñ hapoh ka chnong ka thaw ha i por Election, da rai wow pynbna paidbah ya ki kyndon neibynta ka Election MLA 2023.
Ka Dorbar Chnong da rai ko wa waroh ki yalang yalap Election yong ki kyrtong hapoh ka chnong toh u pynlai da ka Dorbar Chnong.
Kiwon kiwon ki kyrtong u chah u yah du 30 ngut donhi kiwa kyrchaan ya oo kiwa na baar ka chnong Moodymmai heipor wa wan pynman yalang hapoh chnong.
Ka Dorbar Chnong da rai ko wa waroh ki yalang Election yong ki kyrtong toh u pynman du ha yung Dorbar Hall yong ka chnong.
Ka Dorbar Chnong kyntu ko ya waroh ki kyrtong wow burom ki ya kini ki kyndon yong ka chnong deiwa ya kreh lang neibynta i bha i miat.
