Hadien wa khai ka thma ha Middle East, ka Iran da khang ko ya ki jhaad kit phñiang wow lai na Strait of Hormuz wei ini da ktah bha i ya ki ri ka pyrthai khamtam ka India neibhah wa 40% i phñiang ka ri wan i na lyngba ki jhaad kit phñiang wa lai na kani ka Strait kiwa mih na Saudi Arabia, UAE, Qatar wa kiwi ki ri.
Ha kani ka kynti ka United States of America da e ko 30 sngi ya ka India wow thied phñiang na ka Russia wow pyndap yeiwa emkaam ko.
U US Treasury Secretary, u Scott Bessent da ong u wa u President Donald hadien wa yoo yei dawa yei phñiang da phah u ya ka Treasury Department wow e 30 sngi ya ka India wow thied phñiang na ka Russia. Wei ini i phñiang toh da iwa da em chwa ha ki jhaad ha ki duriaw kiwa da sahkut kattæ.
Da ong u wa ka India toh ka lok wa emkaam ka United States, wei da yooluti wa ka New Delhi u pynjoor ko u thied phñiang na ka USA kattu.
Kamwa man kattæ, ka India booddien ko yei em phñiang ka ri ar sien chi sngi wei katkam wa man dang em i phñiang wa da pynlang chwa i wow neh sa kattu katni tayaaw.
Discussion about this post