Ka 35th District Level Industrial Exhibition da wan wai yaka da u Assistant Commissioner ka West Jaiñtia Hills District, u W K Kharbuli ynne ka sngi wei ya kani ka yaaw ya dai ya thied wa ar sngi da pynman da ka yung krehkaam u General Manager, District Commerce and Industrial Centre, Jowai ha pchem yung krehkaam hi u wa em ha Mihmyntdu.
Ha kani ka Exhibition da em hadooh 30 tylli ki dukan wa da pynyieñ.
Hawa e yei klam, neiliang u W K Kharbuli da yaroh u yeini wa da leh ka yung krehkaam u DCIC kawa da e i rynsan ya kiwa chna tiar chna tar wow pynyoo ya ki mar yong ki nadooh kiwa thaiñ that, kiwa chna sandal, kiwa chna umsoh, ki mar baam, ki sula, ki mura, ki tiar pynriam yung wa kiwi kiwi de kiwa boon da pynmih napoh ka District.
Da pynchlur u leh ya kiwa chimbynta wow chimkhia yei kaam ki yow ye ki u yoh nong.
Hachwa ini da yoh ya ki kyntien pdiang sñiawbha na u General Manager ka DCIC, u B. Warjri uwa da khana leh yaka thong wa da pynman ya kani ka Exhibition kawa man leh kam wow e laad ya ki paidbah wow tip ki kiyi de ki mar wa da dai da ki bru yong i kamjooh ka rynsan wow pynyoo rong ya ki mar wa pynmih ki.
Discussion about this post