Jowai: Ha ka sngi wa le ka WAKO India National Kickboxing Federation Cup-2019 wa pynman ha Pune sa 9 ngut ki Kickboxer ka Meghalaya State Kickboxing Association (MSKA) da yoh takma ki ha kani ka lympungkawa da pynman nadooh ka 24-28 tarik uni u bnai da ka Amateur Sports Kickboxing Association Maharashtra hapoh i pyrtuid ka WAKO India Kickboxing Federation.
Haka 27-03-19 kiwa yoh takma man ki kamni ha wah:
Gold Medal
- Hame Shaniah Suiam (Kick Light Below 57 Kg Senior Men)
- Blaseibok kharbuli (K-1 Rule Below 51 Kg Junior Boys)
Silver Medal
- George Lyndoh Nonglait (Kick Light Below 51 Kg Senior Men)
- Comfort L Mawlong (Kick Light Below 47 Kg Junior Boys)
- Lashanskhem Marwein (Light Contact Below 42 Kg Junior Boys)
Bronze Medal
- Lamshaphrang Malngiang (Kick Light Below 42 Kg Junior Boys)
- Badariakor Diengdoh (Kick Light Below 42 Kg Junior Girls)
- Kiven (Kick Light Below 51 Kg Junior Boys)
- Lapynshniang Syiemlieh(Kick Light Below 47 Kg Junior Girls).
Waroh ki Medal wa da yoh hadooh ka 27-03-2019 man ki kamni ha wah:
Gold 8
Silver 10
Bronze 10
Total 28
Ynne ka 28 tarik kawa man leh ka sngi wa khaddooh, u Asian Gold Medalist haka Musical Form Hard Style of Kickboxing Sports u Pynnehbor Mylliemngap na chnong Smit da ksoh biang u yei naam yong oo kam u National Champion haka sien wa 5 ha ki ar kyrdan haka Musical Form Hard Styles With and Without Stick. U Pynnehbor Mylliemngap toh uwa sikai pyn da oo ya oo hi wei yei naam Asian Gold Medalist da yoh u ha u snem 2017.
Da ini i yoh u artylli ki takma ksiar da pynku ko ya ki Gold Medal ka Meghalaya cha ki 10 tylli.
Discussion about this post