Kiwa dang yoh COVID-19 ha Meghalaya da em biang ki 300 tam la ar sngi hadien wa hiar naka 400 tam wei ini da pynu ya kiwa chah ktah wow em ki palat 2200 ngut.
Kiwa dang yoh ynne ka 24 tarik da em ki 305 ngut (ynnin 318), kiwa chait 168 ngut wa 1 wa yap ha West Garo Hills.
Kiwa boon dooh na kiwa dang yoh toh ha East Khasi Hills (242), Ri-Bhoi (18) wa ha West Garo Hills (16).
Na kiwa chait kiwa boon dooh toh ha East Khasi Hills (127), Ri-Bhoi (09) wa ha West Garo Hills (09).
Ki District wa boon dooh kiwa dang chah ktah toh ha East Khasi Hills (1552), West Garo Hills (325), Ri-Bhoi (152), West Jaiñtia Hills (64), East Jaiñtia Hills (31), West Khasi Hills (26), Eastern West Khasi Hills (23) wa ha South West Garo Hills (23).
Ki District wa duna dooh kiwa dang chah ktah toh ha East Garo Hills (12), North Garo Hills (16), South Garo Hills (16) wa ha South West Khasi Hills (17).
Waroh kiwa da chait da em ki 95.76% kiwa em 85,009 ngut, kiwa dang chah ktah 2.54% kiwa em 2257 ngut, kiwa yap 1.68% kiwa em 1498 ngut, deilang dapoi 88,764 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chiat, kiwa dang chah ktah wa kiwi kiwi man ki kamni ha wah:
