Jowai: U Bishop ka Jylla Niam Jowai (Jowai Diocese) ha ka khubor wa e u da pyntip u wa kam wow yarap ya ki bru ka West wa East Jaiñtia Hills ha i chait i khiah, ka Nazareth Hospital u wai ko ya ka Nazareth Hospital Unit ha Lad Pasyih-Phramer ha kani ka 31 tarik uni u bnai.
Da ong u leh wa ha chwa wow wai heipor 9:30 i step daw em ka yalang kawa tbian wei daw yoh ya ki ktien kyrkhu khyrdoh ya ki Doctor wei nadooh 10 waje u sdang ki u pait bru wei wow e dawai ki.
Ha kani ka 31 tarik daw wan da ki Doctor pooid bru wa ki Doctor e dawai wei ha ka 04 Naitung (April) 2017 u wan ki Doctor Gynaecologist wa ki Doctor wa sumaar khynnah.
Ini i wan ki Doctor Nazareth ha Phramer man ki kam wow sdang u wan ar sien chi tayaw ha ka sngi Thohdieñ (Friday) wa ka sngi wa ar (Tuesday) yong ka tayaw wa da pyntikna chooh chooh ka Dr. Sister Noreen, Nazareth Hospital Shillong.
Ha kani ka 31 tarik daw wan u Dr. Rangat (Consultant Surgery) ka Nazareth Hospital wa kiwa kreh lang wa oo. Kiwon kiwon kiwa chitom kiwa kwah u phah pait ha kini ki Doctor yong ka Nazareth Hospital ye ki u wan ha ki tai ki ar sngi chitayaw kyntu u Bishop ya ki paidbah ha chwa wow chna da ka yung krehkaam wa paka heiwa daw em ki Doctor man ka sngi.
Discussion about this post