U Montri Rangbah ka jylla, u Conrad K Sangma ynne hawa e jubab hapoh ka yung dorbar da pyntip u wa dadep chna 3230 ki nan dakha nadooh u snem 2020 hadooh u snem 2024 wei ka poisa wa da pynlait toh ₹97.86 klur.
Na kini ki 3230 tylli da em kiwa mantre da ki bru samen wei em leh kiwa pait da ka chnong wei neiliang ka sorkar da e ko ki symbe dakha, ki baam dakha kamjooh wow yarap pynheh ya ki nan.
U Conrad da pyntip u wa hawa sdang ya kani ha u snem 2011, da ye wow pynmih dakha 4000 MT wei kattæ won da ye u pynmih 20,000 MT chi snem tangwa iwa emkaam hapoh ka jylla toh 32,000 MT wei yow poi cha kani ka thong daw sdang leh ya ka Meghalaya Aqua Mission 3.
Hapoh kani ka Mission kawa thymme deiwa yoh thaw sa kamwa 4000 Hectare daw yei wow pyndap ya ini wa duna iwa 12,000 MT iwa da hap wow wanrah na baar.
Hapoh ka Meghalaya Aqua Mission, ka sorkar da e yarap ko ₹16.75 lak chi Hectare wei na kani 60% toh ka Subsidy, 15% ka ram (Loan) wei na ki tre hap ki wow pyndap 25% katwa hapoh ka Scheme ka sorkar pyrdi kawa tip kam ka PMMSY da e ₹12.50 lak chi Hectare, ka Subsidy 60% wei iwa pyndap na ki tre toh 40%.
Ki jait dakha wa psan toh ka Indian Major Carp (kiwa em le jait) wei kawi won toh ka Exotic Carp (kiwa em le jait).
U Conrad da pyntip u wa deiwa kheiñ nadooh u 2011, ki nan da tam ki 20,000 tylli.
Discussion about this post