U District Magistrate ka West Jaiñtia Hills da pyntip u wa i thang bomkala haka miet chwa ka sngi Christmas wa haka miet chwa u snem thymme u chah nadooh 11:55 PM hadooh 12:30 AM iwa mut du 35 minit donhi.
U District Magistrate da khang u leh yei dai wei thied ya ki bomkala wa da wanrah na baar ri, i pynemkaam ya ki bomkala kiwa da kdoh lang ter-ter neibhaha kini toh kiwa ood bha wei kiwa pyntngit bha ya ka la-ær wei kiwa pynmih jhep leh chiboon.
Da khang leh yei pynemkaam ya ki bomkala wa ood palat 125 dB (A1) næ 145 dB (C) Pk deiwa jngai 4 Metre na i thaw wa tympdung.
Ka hukum da khang ko leh wow thang bomkala deiwa jngai 100 Metre na ki Hospital, ki Nursing Home, Primary wa District Health Care Centre, ki thaw puræ, ki thaw bichaar, ki thaw leh niam wa kiwi de ki thaw kiwa da pynbna kam ki Silent Zone da ki bor sorkar.
U District Magistrate da ong u wa i dai ya ki bomkala toh du da kitu kiwa em License donhi wei kiwa da yoh bor na ka yung krehkaam u Deputy Commissioner, West Jaiñtia Hills deiwa bood ya ki kyndon ka Central Pollution Control Board.
Discussion about this post