Heiyatoh wa i lehkmen ya ka Diwali hapoh ka West Jaiñtia Hills District ha kani ka 4 tarik, neiliang u District Magistrate da pynmih u ya ki kyndon yow lait u tngit u jakhlia ka la-ær, ki luti syngkieñ kamjooh yow lait u chah ktah nei ood wei sawa wa mih nei thang bomkala wa boon jait iwa ktah leh yei chait i khiah ki bru.
Kamtæ katkam ka hukum wa pynmih da ka NGT ha ka 09-11-2020 da kdaw wa i thang bomkala kynroi bha ko ya ka la-ær wei daw pynjoor ko yei poor u COVID-19 kamtæ da emkaam wow booh kyndon hawa thang bomkala.
Hajrong ini da pynkrehkaam ya ka Section 144 Cr.PC yow khang yei dai wei wow thied ya ki bomkala wa wanrah na baar ri, i pyndait lang ya ki bomkala ter (Series Crackers) iwa pynood bha yei sawa wa i thai ki bomkala kamjooh kiwa pyntngit bha yei chnong i thaw.
Da khang leh wow pynemkaam ya ki bomkala wa ye u ood palat 125DB (AI) lane 145 dB (C) pk hawa em 4 meter nei thaw wa pynpdung.
Da khang wow thang bomkala 100 meter na ki thaw wa em Hospital, Nursing Home, Primary wa District Health Care Centres, ki thaw puræ, ki yung bichaar, ki thaw mane wa kiwi de ki thaw wa da pynbna kam ki Silent Zone da ki bor sorkar.
Chooh chooh da pyntip wa i thang bomkala u chah nadooh 11:55 waje i miet hadooh 12:30 waje i step synyaw.
Da pyntip leh wa i dai bomkala toh du kitu kiwa da yoh License wei toh u dai du ki jait bomkala wa da chah donhi kiwa bood ya ki kyndon ka Central Pollution Control Board.
