Jowai: Kam chibynta wow kynmoo yaka ka sngi World Environment Day kawa jooh leh man u snem haka 5 tarik uni u bnai, neidaw wa haap ko haka sngi Bibar, ka Balang Jowai Presbyterian da leh warom noh ki yaka ynne ka 4 tarik.
Kamtæ ka Jingiaseng Samla lyngba ka Social Committee da mih ki u li thung ya 350 tylli ki tre dieñ ha Loomtlepbru ka Balang Presbyterian wa em ha Tredeiñlin Jowai.
“Ha-o i toh ki Kristan, u Blai oo da booh u yaki dieñ ki siej wa kiwi haka rymaw kiwa pynmiat pynphooh wei e ki boon ki myntoi, kamtæ kamka Jingiaseng Samla hawa ka yoo ko wa katni ka rymaw da jæt da pra ko lyngba i leh u bru kamtæ kwah ki u e biang cha ka bei rymaw deiwa thung yaki dieñ kamka dak wa i leh em bynta i hei pynneh pynsah ya ka rymaw.” ong u Chairman ka Social Committee u Regent Shylla.
Da pyntip u leh waka Social Committee em ko hapoh ka Jingiaseng Samla, kawa leh boon ki kaam hapoh ka Balang heiwa kiwi ki committee waphær waphær hapoh yong ka da leh ya kiwa boon ki kaam kam i esnaam sñiawbha iwa da yarap yaki spah ngut ki bru wei em ki leh ya ka Disaster Management Cell kiwa ye u yarap ya ki bru lada em kam ka la-ær yong, chlai um wa kiwi kiwi.
Discussion about this post