U DHS(MI) ka jylla u Dr. A. War da pyntip u wa hadooh 1 waje ka 12 tarik, kiwa dang yoh COVID-19 hapoh ka jylla da em ki 37 ngut katwa kiwa chait da em ki 7 ngut.
Na ki 37 ngut kiwa dang yoh, 32 ngut toh kiwa na East Khasi Hills kiwa kynthup ya 12 ngut ki bru paidbah, 9 ngut ki BSF wa 2 ngut na kiwi ki chnat chipai, ha South wa North Garo Hills toh mar 1 ki bru paidbah, ha West Garo Hills 10 ngut ki BSF, Ri Bhoi wa East Jaiñtia Hills mar 1 bru paidbah.
Na ki 7 ngut kiwa dang chait, ha East Khasi Hills da em 3 ngut, West Khasi Hills 2, East Jaiñtia 1 wa ha Ri Bhoi 1 kiwa waroh toh ki bru paidbah.
Ki bru paidbah kiwa dang yoh thymme ha East Khasi Hills toh 1 wa yabi na uwa yoh COVID-19 ha Robert Hospital, 1 wa yabi na ki wakreh ka NEIGRIHMS, 1 CBI Inspector, 2 ngut kiwa yang wakjut ha Civil Hospital, 1 wa kjut ha Civil Hospital wa phah na Woodland Hospital, 3 ngut kiwa yabi ha NEIGRIHMS wa yang wakjut kiwa na Mawlai Nongkwar, 2 ngut kiwa yabi na kiwa liwan, 1 wa sah ha Laitumkhrah kawa dang wan na baar wa em yei chitom (Symptom) kawa man chi kurim wa u Doctor wa puræ ha Nazareth.
Ha North Garo Hills toh uwa yah Ambulance Kharkuta PHC, ha South Garo Hills toh wa lai cha Mahendraganj wei da yabi katwa kiwi toh kiwa liwan na baar jylla.
Kiwa dang em COVID-19 hapoh ka District man ki kamni ha wah:
East Khasi Hills: 445 (BSF-97, na kiwi ki chnat chipai-72, ki bur paidbah 277)
West Khasi Hills: 3
Ri Bhoi: 93
West Jaiñtia Hills: 16
East Jaiñtia Hills: 6
West Garo Hills: 82
South West Garo Hills: 2
South Garo Hills: 3
North Garo Hills: 5
South West Khasi Hills:1
Waroh kiwa dang em ya uni u khñiang da em ki 656 ngut (BSF-164, ki bru paidbah 380, na kiwi ki chnat chipai 112), kiwa chait 517 ngut kiwa yap 6 ngut iwa da poi 1,179 ngut kiwa da dep yoh COVID-19 hapoh Meghalaya.
Ki nongmuna kiwa da dep phah Test da em ki 42,084 tylli, kiwa man Negative da em ki 40,611 tylli wa 294 tylli kiwa dang yang Result.
Kiwa liwan chapoh ka jylla da em ki 27,290 ngut.
