U DHS (MI) ka jylla u Dr. A. War da pyntip u wa hadooh 1 waje ynne i sngi ka 18 tarik, kiwa dang yoh COVID-19 hapoh Meghalaya da em ki 39 ngut wa 6 ngut kiwa chait.
Kiwa dang yoh thymme toh ha East Khasi Hills 27 (BSF-11, kiwi ki chnat chipai-7, bru paidbah-9), East Jaiñtia-1, Ri Bhoi-3, South West Garo-1, West Garo Hills-7 (BSF-2 wa ki bru paidbah-7).
Kiwa dang yoh thymme ha East Khasi Hills toh 3 ngut kiwa liwan Assam kiwa sah ha Laitkor, 4 ngut na Rilbong kiwa chem deiwa pynman yaka Test paidbah, 1 wa yabi na Meghalaya Institute of Mental Health & Neuro Sciences, 1 wa yabi na u pulit ha Mawiong.
Ha Ri Bhoi kiwa dang yoh toh 3 wa yabi na Mawsmai wa em khappood waka Assam, ha East Jaiñtia toh wa liwan na Dubai wei kiwi leh boon toh kiwa liwan heiwa ha South West Garo Hills toh wa liwan na Silchar, heiwa 4 ngut won da chem lyngba ka Test paidbah ha Tikrikilla, West Garo Hills.
Kiwa dang chait won toh 4 ngut na East Khasi Hills wa 2 ngut na West Garo Hills.
Lyngba ka Random Test da chem ya 14 ngut na Jhalupara, 3 na Upper Mawprem wa da pynman ynne ka sngi daka Antigen Test tangwa ya kini ym pu em pynbna kam kiwa da yoh. Ha Laitumkhrah, Mawpat, Umpling wa ha Rilbong dang em sa 200 ngut kiwa hap wow Test wei iwa leh ha Police Bazaar ynne ka sngi ym pu em yoh Result.
Kiwa dang em COVID-19 hapoh ki District man ki kamni ha wah:
East Khasi Hills: 446 (BSF-80, kiwi ki chnat chipai-77, ki bru paidbah-289)
West Khasi Hill: 3
Ri Bhoi: 103
West Jaiñtia Hills: 4
East Jaiñtia Hills: 6
West Garo Hills: 189
South West Garo Hills: 4
South Garo Hills: 2
Noth Garo Hills: 8
South West Khasi Hills: 1
Waroh kiwa dang em ya u COVID-19 da em ki 766 ngut, kiwa chait 685 ngut wa 6 ngut kiwa yap iwa da pynpoi 1,457 ngut kiwa da dep yoh hapoh ka jylla.
Ki nongmuna wa da dep phah Test da em ki 44234 tylli, kiwa ym em chah ktah da em ki 42330 tylli wei dang yang yaka Result ki 447 tylli.
Waroh kiwa psiah chapoh ka jylla da em ki 28793 ngut.
