Ka 3rd Division 2024 ka East Jaiñtia Hills District Football Association da pteiñ ya ka ynne ka sngi kawa man leh ka sngi wa 11 deiwa pynman le tylli ki yalehke.
Ha ka yalehke wa nyngkong, ka Lumshnong YWSC da jop ko da 5-0 ya ka Shiborlang SC Pynthorsale da ki kool wa thap u Justin Niang ha ka minit wa 9, u Duniwan-O- Mukhim ha ka minit wa 15, u Evening Pohshna ha ka minit wa 65, u Pynshe Syrti ha ka minit wa 68 wa u Arniki Suchiang ha ka minit wa 73.
Ha ka yalehke wa ar, ka Lakadong Ummat SCC da jop ko da 2-1 ya ka Bataw heiwa ya ka Lakadong Ummat da thap kool da u Ebormi Lyngdoh ha ka minit wa 65, u Firstomi Chadong ha ka minit wa 69 katwa ya ka Bataw da thap da u Wellson Lyngdoh ha ka minit wa 48 (Own Goal).
Ha ka yalehke wa le, ka Musniang DWKSC da rem ko da 0-1 ha ka Ryntihlang SC Brichyrnot da ka kool wa thap u Thomas Massar ha ka minit wa 40.
Da ini i jop, kini ki le liang da yoh ki wow psiah cha ka Round of 16 kani ka 3rd Division.
Discussion about this post