Ka 3rd Division ka East Jaiñtia Hills District Football Association (EJHDFA) da pteiñ biang ya ka ynne da le tylli ki yalehke.
Ha ka yalehke wa nyngkong, ka Khliehmyntriang SC da jop ko yaka Moopyniein SCSO da 5-1.
Ya ka Khliehmyntriang da thap kool da u Deposit Dkhar haka minit wa 23, u Arun Dkhar haka minit wa 26, u Juk Dkhar haka minit wa 41 wa u Raplangki Lyngdoh haka minit wa 64 wa 76 katwa ya ka Moopyniein da thap kool da u Bamon Myrchiang haka minit wa 48.
Da ini i jop, ka Khliehmyntriang da yoh ko leh wow psiah cha ka 2nd Round kani ka 3rd Division.
Ha ka yalehke wa ar, ka Bataw FC da jop ko yaka Umstain SC da ka Walkover neidaw wym em wan ka Umstain.
Ka yalehke wa le hapyrdi ka Ratacherra SC waka Umrasiang UTD SC da kut ko da 1-1.
Ya ka Ratacherra da thap kool da u Heibormi Pohshna haka minit wa 36 katwa ya ka Umrasiang da thap kool da u Ten Muksor haka minit wa 53.
Ki yalehke u pteiñ ki mynstep hapyrdi ka Lumshnong Youth SC waka TSC Lummyrli heipor 10:00 waje i step, ka Mutong Youth SC waka Kwator SC heipor 12:00 waje pyrdi sngi wei daw pynkut da ka Umrangsong SC waka Evergreen Lad Wahwapung SC heipor 2:00 waje i sngi.
Discussion about this post