Ka 3rd Division ka East Jaiñtia Hills District Football Association (EJHDFA) da pteiñ biang ya ka ynne da le tylli ki yalehke.
Ka yalehke wa nyngkong hapyrdi ka Mookympad SC waka Mynkree SC da hap wow pyndep neidaw wa joor u lyoh wei daw rah tarik cha kawi won ka sngi.
Ka yalehke wa ar da pynman hapyrdi ka Moosianglamare New waka Moongntdu SC wa jop da ka Moosianglamare New da 1-0 da ka kool wa thap u Firsterjoy Nongtdu haka minit wa 47.
Ha ka yalehke wa le, ka Tuberchohchrieh SC da jop ko da 2-0 yaka Khliehriat East YWSC da ki kool wa thap u Pidawan Bang haka minit wa 61 wa u Salai Rymbai haka minit wa 82.
Da ini i jop, ka Moosianglamare New waka Tubershohshrieh SC da psiah ki cha ka Second Round kani ka 3rd Division ka EJHDFA.
Ki yalehke wa bood u pynman mynstep hapyrdi ka Umlong United waka Mulieh YWSC heipor 10:00 waje i step wei daw pynbood da ka Bataw FC waka Nongthymme SC heipor 12:00 waje i sngi wei daw pynkut da ka Wapungshnong SC waka Ratacherra SC heipor 2:00 waje i sngi.
Discussion about this post