Ka 3rd Division ka East Jaiñtia Hills District Football Association (EJHDFA) da pteiñ biang ynne deiwa pyndep syndon ya ki ar tylli ki yakhun Semi Final.
Ha ka yalehke wa nyngkong, ka Khliehmyntriang SC da jop ko da 2-0 yaka Moosianglamare Old SWO.
Ki kool waroh ar toh kiwa da thap ha ka Extra Time hadien wa ka yalehke da neh ko da 0-0.
Ya kini ki kool ka Khliehmyntriang da thap da u Bring Dkhar haka minit wa 92 wa u Arun Dkhar haka minit wa 102.
Ha ka yalehke wa bood, ka Rymbai Madanpynriang SC da jop ko da 2-1 yaka Moosianglamare New.
Ka Moosianglamare New da yoh ko wow thap kool nyngkong haka minit wa 5 lyngba u Firstjoy Pariat tangwa ka Madanpynriang da su kylliang ko haka minit wa 16 lyngba u Fighter Dkhar wei da pyntikna yei jop da ka kool u Donaldo Dkhar haka minit wa 57.
Ar ngut kiwa yalehke ka Madanpynriang da yoh Red Card ki wei da hap pynchkeh kiwa yang dien yow khanglaad ya ka Moosianglamare New wow su kylliang.
Kamtæ ka Final u pynman ha kani ka 23 tarik hapyrdi ka Khliehmyntriang waka Madanpynriang heipor 12:00 waje pyrdi sngi.
Discussion about this post